08.10.2012, 17:12
A Zaccaria Pallioppi
Al cour favella dutschamaing ta rima,
Perchè l' ais figlia da tieu cour sincer;
Nell' orma sdasda quell' essenza prüma,
Chi voul a Dieu noss sentimaints drizzer.
Tieu geni vò, sco üna zarta plüma,
In las regiuns del eter s' inspirer
E pür sco l' alba, pürited exprima;
Podess eir eau con el vers l' ot svoler!
Nel dutsch romauntsch ta musa ais sublima,
Sco chaunt da cigno zart ais tieu rimer.
Del infinit ti' orma ais intima.
E be nel tschel confidast, voust sperer.
Il sguard fixand sü vers l' eterna sfera
Del muond preschaint nun temmast la tschiera!
Al cour favella dutschamaing ta rima,
Perchè l' ais figlia da tieu cour sincer;
Nell' orma sdasda quell' essenza prüma,
Chi voul a Dieu noss sentimaints drizzer.
Tieu geni vò, sco üna zarta plüma,
In las regiuns del eter s' inspirer
E pür sco l' alba, pürited exprima;
Podess eir eau con el vers l' ot svoler!
Nel dutsch romauntsch ta musa ais sublima,
Sco chaunt da cigno zart ais tieu rimer.
Del infinit ti' orma ais intima.
E be nel tschel confidast, voust sperer.
Il sguard fixand sü vers l' eterna sfera
Del muond preschaint nun temmast la tschiera!