+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Gian Fadri Caderas (https://sonett-archiv.com/forum/forumdisplay.php?fid=1230)
+----- Thema: A Zaccaria Pallioppi (/showthread.php?tid=22462)
A Zaccaria Pallioppi - ZaunköniG - 08.10.2012
A Zaccaria Pallioppi
Al cour favella dutschamaing ta rima,
Perchè l' ais figlia da tieu cour sincer;
Nell' orma sdasda quell' essenza prüma,
Chi voul a Dieu noss sentimaints drizzer.
Tieu geni vò, sco üna zarta plüma,
In las regiuns del eter s' inspirer
E pür sco l' alba, pürited exprima;
Podess eir eau con el vers l' ot svoler!
Nel dutsch romauntsch ta musa ais sublima,
Sco chaunt da cigno zart ais tieu rimer.
Del infinit ti' orma ais intima.
E be nel tschel confidast, voust sperer.
Il sguard fixand sü vers l' eterna sfera
Del muond preschaint nun temmast la tschiera!