Ja du, co pšašam wšak za wěstej drogu?
Co derbim dlej na proznu radu cakaś?
Tu pšawu kśěł ja hyšći ducy zmakaś,
tak z naźeju tež dalej stupaś mogu.
Gaž pak wša błudnosć źaržy moju nogu,
a co tež mojo woko slěpiś łakaś,
pon mogał ja dla wšeje proce płakaś,
wot cuzeg proga błuźiś k cuzem progu.
Lej, złotna gwězda gluki se mě błyšći,
chto wě, lěc w jadnom wokognuśu jano?
Cu dostaś ju a stupam k wojowanju.
Ten spušća mě, ten znowa wabi hyšći;
mam ducy pśikiwanje wšuderkano,
a njewěm sam lěc z dobyśim raz stanu.
Co derbim dlej na proznu radu cakaś?
Tu pšawu kśěł ja hyšći ducy zmakaś,
tak z naźeju tež dalej stupaś mogu.
Gaž pak wša błudnosć źaržy moju nogu,
a co tež mojo woko slěpiś łakaś,
pon mogał ja dla wšeje proce płakaś,
wot cuzeg proga błuźiś k cuzem progu.
Lej, złotna gwězda gluki se mě błyšći,
chto wě, lěc w jadnom wokognuśu jano?
Cu dostaś ju a stupam k wojowanju.
Ten spušća mě, ten znowa wabi hyšći;
mam ducy pśikiwanje wšuderkano,
a njewěm sam lěc z dobyśim raz stanu.