Sonett-Forum

Normale Version: Mato Kosyk: Njewěstosć
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
Ja du, co pšašam wšak za wěstej drogu?
Co derbim dlej na proznu radu cakaś?
Tu pšawu kśěł ja hyšći ducy zmakaś,
tak z naźeju tež dalej stupaś mogu.

Gaž pak wša błudnosć źaržy moju nogu,
a co tež mojo woko slěpiś łakaś,
pon mogał ja dla wšeje proce płakaś,
wot cuzeg proga błuźiś k cuzem progu.

Lej, złotna gwězda gluki se mě błyšći,
chto wě, lěc w jadnom wokognuśu jano?
Cu dostaś ju a stupam k wojowanju.

Ten spušća mě, ten znowa wabi hyšći;
mam ducy pśikiwanje wšuderkano,
a njewěm sam lěc z dobyśim raz stanu.