SONNET 19

[ZaunköniG]

19

Diane estant en l’espesseur d’un bois,
Apres avoir mainte beste assenee,
Prenait le frais, de Nynfes couronnee:
I’allois resuant comme fay maintefois,

Sans y penser : quand i’ouy une vois,
Qui m’apela, disant, Nymfe estonnee,
Que ne t’es tu vers Diane tournee?
Et me voyant sans arc et sans carquois,

Qu’as tu trouué, ô campagne, en ta voye,
Qui de ton arc et flesche ait fait proye?
Ie m’animay, respons ie, à un passant,

Et lui getay en vain toutes mes flesches
Et l’arc après : mais lui les ramassant
Et les tirant me fit cent et cent bresches.