SONNET 15

[ZaunköniG]

15

Pour le retour du Soleil honorer,
Le Zéphir, l’air serein lui apareille:
Et du sommeil l’eau et la terre esueille,
Qui les gardoit l’une de murmurer

En dous coulant, l’autre de se parer
De mainte fleur de couleur nompareille.
Ia les oiseaus es arbres font merveille,
Et aus passans font l’ennui moderer:

Les Nymfes ia en mille ieus s’esbatent
Au cler de Lune, et dansans l’herbe abatent:
Veus tu Zéphir de ton heur me donner,

Et que par toy toute me renouuelle?
Fay mon Soleil deuers moy retourner,
Et tu verras s’il ne me rend plus belle.