Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
A L'AMI C.H.ASPER
#1
A L'AMI C.H.ASPER


Sch'eir il sonet nu füss firmà: C. Po,
ingiavinaiva il spiritus ami
chi rainta dadour üsch da seis büro
ün flot chavagl pel svoul vers l'infini.

Surriaint fatalist, sast cha sparti
il bel e'l trid es per minchün da no,
ch'ün perd'il temp cun plondscher di per di
e lair müdar quai chi müdar nu's po.

Chasper, tü hast radschun! Eschan pür massa
uossa grischs amenduos (lair o nu lair)
be l'umur, giuventüm dal cour, nu passa.

Fa rupettar teis Pegasus d'Optschina
plü spess tü poust, per teis e nos plaschair,
e dà'l sco flöder ün brav cun d'vuclina.
Zitieren


Gehe zu:


Benutzer, die gerade dieses Thema anschauen: 1 Gast/Gäste