Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
UTUON
#1
UTUON


Sur la cità penda la plövgia, s-chüra.
Melanconia sün tuot las choas sta.
Da temp in temp passa sur la planüra,
mnatschus sbischond, il vent d'utuon glatschà.

O stà lontana! Per tai meis cour suspüra,
temp chi passet e plü nu tuornarà.
Dutscha sco sömmi am vegn avant la püra
sulagliv'algordanza dal passà!

Cha teis amur sia stat ün sömmi eir el?
dumond'il cour cur spranza til banduna,
ch'eu'm sia mantgnü invan a tai fidel?

Ün sömmi tuot? O na! Chara, parduna,
darcheu eu vez glüschir il blau dal tschêl
tanter las nüvlas cha l'utuon mantuna.
Zitieren


Gehe zu:


Benutzer, die gerade dieses Thema anschauen: 1 Gast/Gäste