Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
Regal Dubius
#1
Regal Dubius
Al poet Edouard Tavan, Genevra


Nascher nu vess pudü la creatüra
sün lett'insaina, uossa s'vezza gnand
perfin las fadas (o miracul grand!)
in pizza d'peis a giavüschar vantüra.

Lapro minchüna seis visdöz portand:
sandà, bellezza, spiert da buntà püra,
scortaschia, success ... üna blerüra
d'grandius regals al furtünà infant.

In d'üna jà cumpara la vaschina
(siand cugnuschüda sco maligna stria,
ningün nu l'ha clamada, baininclet),

gritta, chi stopcha tuot valair infin a
l'ultim giavüsch, plaina d'noschdà surria
e's svindichand disch: "El sarà poet!"
Zitieren


Gehe zu:


Benutzer, die gerade dieses Thema anschauen: 1 Gast/Gäste
Forenfarbe auswählen: