Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
Partenza
#1
Peider Lansel
1863 - 1943
Vallader


Partenza (1909)

Daman eu part! – Daman, cur cha’l sulai
darcheu sco uoss’at sclerirà, o val,
sun eu fingià sur munts. Cumpagn fatal,
l’increschantüm viadi fa cun mai.

No’ns vain inclets. – Tü sast quai ch’eu manai,
suprem’amur dal cour, pajais natal!
Ed hoz ch’eu part, schi brich cun ün banal
pled dad adieu poss tour cumgià da tai.

Sa pasch otischma sport m’ha l’orizont
da ta pizza, cha l’infinit sublima –
üna pasch chi nun ha nöglia d’uman.

Cun quella tuorn darcheu davent i’l muond,
e meis silenzi plü co pleds exprima:
Grazcha, ma val! – Adieu!... Eu part daman.
Zitieren


Gehe zu:


Benutzer, die gerade dieses Thema anschauen: 1 Gast/Gäste
Forenfarbe auswählen: