Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
Po, Chasper: Decrescendo
#1
Chasper Po
1856 - 1936


Decrescendo


I füt ün temp nel qual a l'orma mia
stevan preschaints sco ideals da gloria
ils celebrads magisters da poesia! -
Seguir quels gronds ed ôt sur la baldoria

del filiström (chi be per l'or's sfadia)
as conquistar ün nom degn da memoria -
tal eir' il sömi meis! - Con ironia
(sco a lontan phantom d'antic'istoria)

ripens oss'a quel temp! La fantasia
da lönch innan ha seis ôts svols ristret,
la musa vi e plü dinrar 'm suria;

insomm' a quist bel punct es il poet:
di grazia cha cun stainta e fadia
hoz stampliet el sü quaist staif sonet!
Zitieren


Gehe zu:


Benutzer, die gerade dieses Thema anschauen: 1 Gast/Gäste