Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
In mort da Gian Fadri Caderas
#1
Peider Lansel
1863 - 1943
Vallader


In mort da Gian Fadri Caderas

Uoss' hest chatto eir tü la pêsch brameda
Nel sulagliv sunteri, vegl poet!
Ma nus sentins cha cun l'antic affet
Vaglia serain tieu spiert sur la valleda.

Tü l'hest in vita fidelmaing ameda
Et in sieu lod tieu chaunt as adozet -
Il plaunt ch'ün fo per tieu spartir dandet
Prova cha tü nun l'hest invaun chanteda.

Uoss' ais inviern, l'eterna giuventüna
Del god ans do ün craunz per tömbel tieu,
Chi me nun perda sa colur severa.

Nus't savains gro poet uoss' et adüna
Cha tü davaunt noss ögls hest saimper tgnieu
Ota del ideel l'alva bindera!
Zitieren


Gehe zu:


Benutzer, die gerade dieses Thema anschauen: 1 Gast/Gäste