10.10.2012, 09:54
Giachem Biveroni
O fös della refuorma, che ardais?
"Il trun d' ipocrita idolatria."
O linguas della terra, che favlais?
"Alla vardet recuperiains güstia."
Beos in paradis, che bisbigliais?
"Na illusiun, be Cristo main' acquia."
Nell' uonda clera da sieu pled, che vzais?
"Azzur e purpura del tschêl, chi ria."
Propizias stailas, che armoniais?
Che urast, gilgia? dschemast, culombina?
Liun, che brügiast? cedras, che scrollais?
"Cha l' univers a Dieu sulet s' inclina!"
Uschè sentiva quel Engiadinais,
Ma nus sentins la feivra marenghina.
O fös della refuorma, che ardais?
"Il trun d' ipocrita idolatria."
O linguas della terra, che favlais?
"Alla vardet recuperiains güstia."
Beos in paradis, che bisbigliais?
"Na illusiun, be Cristo main' acquia."
Nell' uonda clera da sieu pled, che vzais?
"Azzur e purpura del tschêl, chi ria."
Propizias stailas, che armoniais?
Che urast, gilgia? dschemast, culombina?
Liun, che brügiast? cedras, che scrollais?
"Cha l' univers a Dieu sulet s' inclina!"
Uschè sentiva quel Engiadinais,
Ma nus sentins la feivra marenghina.