09.10.2012, 17:37
Il vair poët
Ün Dieu sulet, il vair poët rechaunta;
Las ouvras grandas del Omnipotaint;
Tuot que ch' adoza l' orma, commovainta,
Sco 'l spievel cler, serain del firmamaint.
Stu dechaunter l' ainur, l' amur sublima
Per sieu pajais, a tuots per saimper cher!
Ed alla giuvna da sieu cour, la rima,
Il vair poët amant stu dedicher.
A led e mort ün vers da cour consainta
Il vair poët, ais cò per consoler;
Sa vusch s' adress' a chi afflict s' almainta,
Sas larmas masd' a quellas del confrer.
La liberted, indipendenz' inspira
A nöbel chaunt del vair poët la lira.
Ün Dieu sulet, il vair poët rechaunta;
Las ouvras grandas del Omnipotaint;
Tuot que ch' adoza l' orma, commovainta,
Sco 'l spievel cler, serain del firmamaint.
Stu dechaunter l' ainur, l' amur sublima
Per sieu pajais, a tuots per saimper cher!
Ed alla giuvna da sieu cour, la rima,
Il vair poët amant stu dedicher.
A led e mort ün vers da cour consainta
Il vair poët, ais cò per consoler;
Sa vusch s' adress' a chi afflict s' almainta,
Sas larmas masd' a quellas del confrer.
La liberted, indipendenz' inspira
A nöbel chaunt del vair poët la lira.