Napoliun I.

[ZaunköniG]

Napoliun I.


Bain est nomnò: "saetta della guerra!"
Guerrier da fama, chi nun ho confrunt!
Ta speda fet trembler l' intera terra
E tuot pliet e müt subit l' affrunt.

Ta volonted ils renitents atterra;
Barrier' a te nun sun sun nè flüm, nè munt!
O quaunts progetts quel chò sublim rinserra;
Sco aster brilla del possaunt il frunt!

Mo tuot tramunta! Be l' Etern s' eterna!
Possaunza, gloria, sco ün füm svanir!
Chi dschet al muond: be mieu volair guverna!

In mez al mer sulet stuvet morir!
Il grand monarc, saetta della guerra,
Morit, sömgiand da dominer la terra!