Beò!

[ZaunköniG]

Beò!


Beò! ais l' hom, chi fazilmaing nu' s lascha
Affadier d' anguoscha e dolur;
Beò! ais l' hom ch' in l' avegnir nun pascha
Ed ais containt, adüna d' bun umur.

Bain pü Beò! ais quel, ch' in disfortüna,
Nel quaid sunteri, d' üna foss' al ur,
Crider pò sper a quaista s-chüra chüna,
Chi vita nouva duna nel azur;

Nun resta müt, mo con ils oters crida
E fò sieu led, il led da sieu confrer,
In l' avegnir sinceramaing confida

Nel displaschair pò sosamaing crider
E sper la fossa, ch' ogni bain rinserra,
S' elev' al tschel, banduna quaista terra.