La perdunaunza

[ZaunköniG]

La perdunaunza


A tuots perduna la clemenz' immensa
D' un Dieu sulet chi redsch' il muond inter;
La societed in perduner propensa,
Stuvess adüna da bun cour 's chatter.

Vus perduné! Perduna 'm, tü, o mamma,
Scha bgerras voutas tieu volair nun fet!
Bain facilmaing perdun' il cour chi ama,
In ogni dir e fer el ais perfet.

Perdun' il rich al pover chi sospira,
Perdun' il pover tres il rich offais,
Smanchain il tüert, il mel, l' invilgia, I' ira;

Perdun fluescha, viv' in nos pajais!
Perdun' il prossem chi nel tschel ho spraunza;
O quaunt ais bella quaista perdunaunza!