Leipoldt, C. Louis: Aan Multatuli

[ZaunköniG]

C. Louis Leipoldt
1880 - 1947 Südafrika



Aan Multatuli.


Kind van die noordewêreld, waar die kou

Van winter weerga vinde in 'n volk

Wat kalm blij, als jij kokend is, en flouw

En nie jouw taal verstaan nie sonder tolk!


Die warmer Ooste, waar die son ontstaan.

Het jou tot man gemaak, en van jouw hart

Die ijsgekorste kettings afgeslaan,

En jou geleer daar lê ook vreug in smart,

En in ellende grootsheid! Ik, als een

Met wie die Ooste ook gepraat het, gee

Hier, waar Adinda's spook bij maanlig ween

Oor Saïdjahs graf in eensaam stille wee.

Mij huldegroet aan jou als blijk daarvan,

Apostel, hoëpriester, lijder, Man!

[ZaunköniG]

Ontnugtering

O liefling, as ek luister na die wind
Wat snags so klaend en weemoedig suis
Deur die eikeboom se blare bo die huis,
Dan dink ek terug aan toe ek nog as kind
Gelukkig was, onskuldig, trougesind
Aan wie ek lief gehad het, sonder kruis
Of bitter hoon wat skielik op kan bruis
En skaars versagting in vergeet kan vind.

Dit was die tyd voor ek jou eers gesien het,
Voor ek kon weet dat liefde wreed kan wees
En ergste smart 'n droef genot kan dra.
Eers na my hart se hartstog jou bedien het
Tot sterwens toe, bankrot aan hoop en gees,
Heb ek geleer hoekom die nagwind kla.


.