Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
Duym, I.: Op het Schilder-boeck des Const-rijcken Carels van Mander
#1
I. Duym


Op het Schilder-boeck des Const-rijcken Carels van Mander,

Sonnet.



Met wat Pen, met wat inckt, oft op wat pampier goet,

Sal ick van Manders lof ghenoech in als vermeeren?

Die met zijn Schilder-boeck de ionghe Ieught comt leeren.

Als een School-meester cloeck, en seer goedertier soet,

Hy leydt den vasten grondt, en met dees manier doet

Hy d'ooghen open claer van die de Const verkeeren,

En d'edel Pinceel slechts met onverstandt onteeren,

Waer van elck een van dees schaemroot nu staen schier moet.

O al ghy Ionghers leert, leert dit Boeck wel verstaen,

Apelles leert u hier, neemt zijn les doch wel aen:

Soo sult ghy t'selfde Boeck in eeuwicheyt beminnen.

En danckt van Mander, die den arbeydt heeft ghedaen:

In't vinden, schildren oock, is hy u voorghegaen:

Volght doch zijn paden naer, en wilt zijn deught bekinnen.
Zitieren


Gehe zu:


Benutzer, die gerade dieses Thema anschauen: 1 Gast/Gäste
Forenfarbe auswählen: