Sonnet op de dronkenschap

[ZaunköniG]

Alexandre fut yvre et si conquist la perse

Anacreon fut yvre et chanta doctement

Quand Caton estoyt yvre il jugeoit sainement

Encor dans le senat Anthoine son vin verse



Tousjours dessous le vin la Raison ne renverse

Homere ne fit vers quil neust premierement

Eschauffé soubs ce dieu son docté entendement

Puis il entonnoyt Troyes de la fortune adverse



Le vin chasse soucy et nous esgalle aus dieux

Il faict le pauvre riche et rajeunist le vieux

Il eschauffe nos coeurs, et gaillards nous faict vivre



Pour estre grand poëte et sainement juger

pour devenir monarcque hardi en tout danger

Bref pour faire un beau faict, il faut estre bien yvre