23.02.2012, 18:00
Chasper Po
1856 - 1936
Poet e tegnacudeschs
"Cura ch'eu 't vez, o bella da las bellas,
schi'm saint in cour sco dutscha melodia..."
(Al diavel quistas sommas! Amo quellas
manglaivan m'ruinar hoz la poesia!)
"...Sco dutscha melodia'l cour m'inuonda,
a sentimaints plü ots am saint portà..."
(mo'l quint corrent intant nu correspuonda,
il saldo 'n mincha cas sto gnir müdà.)
"...O chara! Di'm! Co mâ exprimaraja..."
(Transport da fögl vainchot al tschientidus)
"Co't dir tuot quai ch'eu saint? - Ah, quai nu saja...
eu nun ha pleds avuonda grazius..."
(mo quai bain saja: fat es il malom,
nan cul "rasin" - al diavel il femnom!)
1856 - 1936
Poet e tegnacudeschs
"Cura ch'eu 't vez, o bella da las bellas,
schi'm saint in cour sco dutscha melodia..."
(Al diavel quistas sommas! Amo quellas
manglaivan m'ruinar hoz la poesia!)
"...Sco dutscha melodia'l cour m'inuonda,
a sentimaints plü ots am saint portà..."
(mo'l quint corrent intant nu correspuonda,
il saldo 'n mincha cas sto gnir müdà.)
"...O chara! Di'm! Co mâ exprimaraja..."
(Transport da fögl vainchot al tschientidus)
"Co't dir tuot quai ch'eu saint? - Ah, quai nu saja...
eu nun ha pleds avuonda grazius..."
(mo quai bain saja: fat es il malom,
nan cul "rasin" - al diavel il femnom!)