Mato Kosyk: Prědny kwětk

[ZaunköniG]

Mato Kosyk
(Matthew Kossick, Matthaeus Koßik) 1853 - 1940 Deutschland / USA


Prědny kwětk


Zas prědny kwětk, śi zasej wuglědaju,
coš wjaselosć zas wšuder zapowědaś;
c opak tak rano how do swěta glědas,
źož wotše wětśiki śi powitaju?

Nejpjerwjej kwětk ga tebje zaspiwaju,
lěc njamgu twoju kšasnosć wupowědaś,
snaź kśěl pśi tebje byś, pśi tebje sedaś,
gaž słyńca tšny se tež how pśichylaju.

Lej, posły nalětne se rědnje smejeju
a struski zasej struski wubuźuju,
tak wšo nam zasej k wjaselosći słužy.

Zas nowe głosy z lufta dołoj zněju,
zas nowe mocy wšykne stworby cuju,
jo, nowe žywjenje se gibjo wšuźi.