L' increschentüna

[ZaunköniG]

L' increschentüna


Che pumpa granda, che magnificenza!
Citted plaschaivla, vasta zuond,
Tribut at portan la vair' art, la scienza;
A te fluesch' il begl da tuot il muond!

Superb il marmel vers il tschel eleva,
Cluchers, baselgias a sdasder stupur;
E tuot que taunt pürmemma nun solleva
Il cour, chi larma, crida per dolur!

Il firmamaint ais riaintó, pürissem,
Ais transparent sco il pú pür cristal;
O mieu pajais, o mieu pajais cherissem.

Eau crid per te, per te ma chera val!
Tuot que ch' eau vez stupend magnific quia
Nun ho confrunt con la chesetta mia!