Sorrento (I)

[ZaunköniG]

Sorrento (I)
"Kennst du das Land?"


Mâ nu t'invlida quel chi üna jada
t'ha vis da prümavair'in la splendur:
cura cha'l vent deras'üna savur
d'orandschs in flur tras tuotta la cuntrada.

Sül mar quaidischem üna vail'as schlada -
e ta brama la sieua, viagiatur,
sömmi d'poet, Capri, blau in l'azur,
s'doza cagiò dvant tai, isl'inchantada.

Lung tuot il golf, in lontananza ria
da citads e cumüns l'alba distaisa,
e leiv svanescha dal Vesuv il füm.

Uossa reviva in la fantasia
Mignon, chantand in terra germanaisa
l'immortella chanzun d'increschantüm.