וָאֶשָּׂא מְשָׁלִי וָאֹמַר

בְּתִשְׁרִי אֶשְׂמְחָה כִּי מוֹעֲדֵי אֵל
יְעִירוּנִי לְשׁוֹרֵר שִׁיר עֲגָבִים
וְאֶתְעַנַּג בְּנֹפֶת צוּף וּפַנַּג
וְכִינוֹרַי תְּלוּיִם עַל עֲרָבִים

וְאַצִּיבָה סְבִיבוֹתַי נְעָרַי
וּמוּל פָּנַי לְאַיֶּלֶת אֲהָבִים
וְאֶסְעַד מַעֲדַן מֶלֶךְ וְאֶשְׁתֶּה
עֲסִיס רִמּוֹן וְאֶשְׁכַּר דַּם עֲנָבִים

וְאֶשְׁכַּח רִישׁ וְלֹא אַחְרִישׁ וְאָרֹן
וּפָנַי בַּקְּרָב כִּפְנֵי לְהָבִים
וְאֶלְוֶה מִשְּׂפַת עָפְרָה נְשִׁיקוֹת

וְלִפְרֹעַ שְׂפָתַי לָהּ עֲרָבִים
וְאוֹדֶה אֵל אֲשֶׁר יָצַר בְּחָכְמָה
בֵּני אָדָם וּבָרָא בָם נְקָבִים.