+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Französische Sonette (https://sonett-archiv.com/forum/forumdisplay.php?fid=399)
+----- Forum: Louïze Labë (https://sonett-archiv.com/forum/forumdisplay.php?fid=1390)
+----- Thema: SONNET 08 (/showthread.php?tid=29759)
SONNET 08 - ZaunköniG - 11.02.2024
8
Ie vis, ie meurs : ie me brule et me noye.
I’ay chaut estreme en endurant froidure:
La vie m’est et trop molle et trop dure.
I’ay grans ennuis entremeslez de ioye:
Tout à un coup ie ris et ie larmoye,
Et en plaisir maint grief tourment i’endure:
Mon bien s’en va, et à iamais il dure:
Tout en un coup ie seiche et ie verdoye.
Ainsi Amour inconstamment me meine:
Et quand ie pense avoir plus de douleur,
Sans y penser ie me treuue hors de peine.
Puis quand ie croy ma ioye estre certeine,
Et estre au haut de mon desiré heur,
Il me remet en mon premier malheur.