+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Peider Lansel (https://sonett-archiv.com/forum/forumdisplay.php?fid=1232)
+----- Thema: ALGORDANZAS (/showthread.php?tid=22510)
ALGORDANZAS - ZaunköniG - 14.10.2012
ALGORDANZAS
A nossa Erica, il di da sias nozzas
cun Pierre Chable
7 marz 1922
Tü'ns vast laschond, e'l cour dals vegls s'obstina
da reviver darcheu l'infanzia tia:
l'Arno passa plan sieu dvant chasa via,
tschögna l'üert da Livorna, l'god d'Marina.
Cun prunas d'familiars algords surria
la val patern' in sa frais-chezz' alpina;
San Peder - be dastrusch nossa chasina -
plü ferm tü crajast, quist liom at lia!
Lura quinan ingio gnit a's cumplir
ta giuventüm ... Da tuottas varts, currond
vegnan a rotschas hoz las algordanzas.
Laschai quellas in salv pro'ls vegls - L'avgnir
derva l'üsch a vus duos, impromettond
sün vossa nouva vita, nouvas spranzas.
...................................Bap e mamma