CUR CHA LAS GLÜMS AS STÜDAN... - Druckversion +- Sonett-Forum (https://sonett-archiv.com/forum) +-- Forum: Sonett-Archiv (https://sonett-archiv.com/forum/forumdisplay.php?fid=126) +--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857) +---- Forum: Rätoromanische Sonette (https://sonett-archiv.com/forum/forumdisplay.php?fid=1131) +----- Forum: Peider Lansel (https://sonett-archiv.com/forum/forumdisplay.php?fid=1232) +----- Thema: CUR CHA LAS GLÜMS AS STÜDAN... (/showthread.php?tid=22503) |
CUR CHA LAS GLÜMS AS STÜDAN... - ZaunköniG - 13.10.2012 CUR CHA LAS GLÜMS AS STÜDAN... A Matilde Serao davo seis roman da San Murezzan "Viva la vita" Dalunga chi svanit l' ultim sulai, scuzza, plan sieu, la not s'ha approsmada d'oursuot il god, in seis sindals plajada, e seis diadem d'argient trembl'aint il lai. Millieras d'glüms s'invüdan, arsantada la fuolla voul giodair - giodair! - be quai! Mo aint il cour minchün struozcha cun sai la veidra lungurell'invariada. Sün tschella spuonda, müt admonitur in la s-chürdüm, as doza il piz suldan e'l cuolmen in la glüsch d'las stailas bagna. Cur cha las glüms sun stüzzas, la rumur dal di balchada, quants inclegiaran il silenzi eloquaint da la muntagna? |