+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Gian Fadri Caderas (https://sonett-archiv.com/forum/forumdisplay.php?fid=1230)
+----- Thema: Sulets sül muond (/showthread.php?tid=22486)
Sulets sül muond - ZaunköniG - 10.10.2012
Sulets sül muond.
Sulets sül muond! Üngüna parainteda,
Be üna fossa fras-cha nel sunter'!
Allo reposa nossa mamm' ameda,
Cha Dieu volet il mais passo clamer!
Sulets sül muond! Ils orfens chi mê ama?
Ün soul gugent ils povers spert smancher!
Cur ch'ün ho pers il bap, sa chera mamma,
Nun voul üngün dels pitschens s'algorder!
Sulets sül muond! In tschel il bap ans chüra;
Ils inesperts al bön voul el guider.
Sco povras fluors, privedas d'aria püra,
In terra essans sainz' amih sincer!
II cour sospira, chera mamma, clama!
O infelizi chi nun ho pü mamma!