+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Gian Fadri Caderas (https://sonett-archiv.com/forum/forumdisplay.php?fid=1230)
+----- Thema: In Memoria da Zaccaria Pallioppi (/showthread.php?tid=22478)
In Memoria da Zaccaria Pallioppi - ZaunköniG - 10.10.2012
In Memoria da Zaccaria Pallioppi
Un nöbel cour nun batta pü aquia,
Un' orma püra fet retourn al tschel.
O crida, musa, crida musa mia -
Ais d'Engiadina mort ün figl fidel!
Pü nun resun' in dutscha armonia
Il vers sonor e lam sco pür ovel -
Fraid il cour net, sco dell' Elvezia mia,
Ils pürs vadrets, bütschos tres raz festel.
Del operus il maun glatscho dvantaiva
Süls fögls d'ün ovra grandiusa zuond,
Chi da pisser sieu frunt da suolchs signaiva;
Ta bgers amihs lascho hest let profuond,
Sco cur ch'ün ais sulet sün estra riva
E spraunz' üngüna aint in cour nun viva.