+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Zaccaria Pallioppi (https://sonett-archiv.com/forum/forumdisplay.php?fid=1231)
+----- Thema: All' Italia (/showthread.php?tid=22475)
All' Italia - ZaunköniG - 10.10.2012
All' Italia
(Suainter Filicaja.)
O povr' italia tü, chi hest arvschieu
Dal s-chür destin bellezza ineffabla,
Ün pain da crudelted, chi ho implieu
Tieu cour anguschagio cun paina stabla;
Be füssast main delizius' a tieu
Amant, chi't bütsch' a mort, u bain pü abla
D' intermorir medem, per gnir a sieu
Calmô bramer tuottüna main bramabla!
Allur non vzess eau pü torrents d'armeda
Erumper dallas alps e bavranter
Cun saung del Pado lur cavalleria;
Nun vzess eau te cun deja importeda
E gallic puls adüna guerrager,
Per viver e munir in sclaveria!