+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus romanischen Sprachen (https://sonett-archiv.com/forum/forumdisplay.php?fid=857)
+---- Forum: Rätoromanische Sonette (https://sonett-archiv.com/forum/forumdisplay.php?fid=1131)
+----- Forum: Gian Fadri Caderas (https://sonett-archiv.com/forum/forumdisplay.php?fid=1230)
+----- Thema: Che ais cordöli? (/showthread.php?tid=22465)
Che ais cordöli? - ZaunköniG - 09.10.2012
Che ais cordöli?
Che ais cordöli? Tü dumandast, chera:
Nel cour a guotts la fraida mort!
Sco spessa, bletscha, invernel' tschiera
El tschunch' il fled ad ogni dutsch accord!
Transfuorm' il muond in landa sainza spraunza,
Sco terra vaidgua da sieu vstieu festel;
L'ais sco strasun da trista algordaunza,
Sco foss' inguorda d' oter funerel!
El müd' il cour in ün vadret, chi dschela
Eternamaing imincha dutsch sorrir;
Il convertesch' in stretta, s-chüra bela,
Inua reposan larmas e sospir!
La vita fügia suot il ferm cordöli,
Sco glüsch da lampa chi nun ho pü öli.