+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus germanischen Sprachen (https://sonett-archiv.com/forum/forumdisplay.php?fid=394)
+---- Forum: Niederländische Sonette (https://sonett-archiv.com/forum/forumdisplay.php?fid=825)
+----- Forum: Anonyme Sonette (https://sonett-archiv.com/forum/forumdisplay.php?fid=1184)
+----- Thema: ? - (1608): Dat vriendelijck ghelaet, de oversysche loncken (/showthread.php?tid=21372)
? - (1608): Dat vriendelijck ghelaet, de oversysche loncken - ZaunköniG - 05.08.2012
Dat vriendelijck ghelaet, de oversysche loncken
Daer meed' ghy mijn gesicht door t'uwen hebt bestraelt
Die hebben my (eylaes) mijn hert gheheel onthaelt,
En hebbent eenen plaets in u schoon oogh gheschoncken.
Ick docht dat op de tijt de rechte liefde voncken
Int binnenst van u hert, oock waren neer ghedaelt,
Maer (laes) mijn lief, ic was te seer daer in verdwaelt,
Mijn sinnen waren heel van ydle mening droncken.
VVant u beveynsdich oogh, dat op het mijne viel
VVas maer een loose strick, voor mijn bedroghen siel,
Soo dat mijn arm ghemoet daer in verwert most haecken.
Ghy die haer oogskens vreest, en dat bedriegend net
Verblijt u, want het is al met mijn hert beset,
En t' can niet naer zijn wil, daer weder uytgheraken.