+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus slawischen Sprachen (https://sonett-archiv.com/forum/forumdisplay.php?fid=396)
+---- Forum: Sorbische Sonette (https://sonett-archiv.com/forum/forumdisplay.php?fid=599)
+----- Forum: andere sorbische Autoren (https://sonett-archiv.com/forum/forumdisplay.php?fid=601)
+----- Thema: Mato Kosyk: Woksiśenje (/showthread.php?tid=10491)
Mato Kosyk: Woksiśenje - ZaunköniG - 09.09.2012
Mato Kosyk
(Matthew Kossick, Matthaeus Koßik)
1853 - 1940 Deutschland / USA
Woksiśenje
Wša kšasnosć rědnych bomow co se zginuś,
jich bytšne parle su se wuronili
a z wusokeje krony rozdrobili,
kenž Boža ruka jano možo zwinuś.
Lej, kwětki kśe se zlažka wšykne minus;
kimž pjerwjej su se licka cerwjenili,
su pomałem se južor wubělili,
chto kśěł jich slědnu pyšnosć wiźeś zminuś?
Tak wšykna pyšnosć raz ku końcu zejźo,
gaž pjerwjej słužyła nam k wjaselosći,
pšejc jo – ju njamžoš wěcej dłujko wiźeś.
Gaž słowo “wono buźi” pak wšo pśejźo,
kenž wšykno wubuźijo ku płodnosći,
pon bźo wšo rědne tež zas rědnje kwiśeś.