+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus slawischen Sprachen (https://sonett-archiv.com/forum/forumdisplay.php?fid=396)
+---- Forum: Sorbische Sonette (https://sonett-archiv.com/forum/forumdisplay.php?fid=599)
+----- Forum: Jakub Bart-Ćišinski (https://sonett-archiv.com/forum/forumdisplay.php?fid=600)
+----- Thema: Serbam - Najkrućišo so nětk mi spinaj ... (/showthread.php?tid=10382)
Serbam - Najkrućišo so nětk mi spinaj ... - ZaunköniG - 05.02.2012
Serbam
Najkrućišo so nětk mi spinaj, truna złota!
Akordy z njej' najmócniše wab, porsto młody!
Spěw spěwać chcu, kiž mojim Serbam do swobody
ze šumom dobyćeŕskim wułamał by wrota.
"O Serbja, stańće k dźěłu, njebojće so pota!"
Was z rowa próša Serbow zahinjene rody.
"O stańće, zlemće puta cuzbaŕskeje škody,
so zhrabajće a mjez wami budź přezjednota!"
Za cuzym duchom, cuzym wašnjom hježadajće;
rěč wótcow serbskich a jich swěru kruće hajće
a kóždy hruzlik serbskej zemje wobarajće!
Juž ranje puka so přez ćěmnosc nócnu. -
Tuž stajce do dźeła tu ruku staromócnu,
wy Serbja moji, za rěč a za zemju wótcnu!