+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus slawischen Sprachen (https://sonett-archiv.com/forum/forumdisplay.php?fid=396)
+---- Forum: Sorbische Sonette (https://sonett-archiv.com/forum/forumdisplay.php?fid=599)
+----- Forum: Jakub Bart-Ćišinski (https://sonett-archiv.com/forum/forumdisplay.php?fid=600)
+----- Thema: Nalěća přichad (/showthread.php?tid=10380)
Nalěća přichad - ZaunköniG - 05.02.2012
Nalěća přichad
Hlej, słónco steji na njebju a pruhi
wšak sćeke horce na zemju šće běłu;
aj, lód a sněh žno taje; k nowom dźełu
zas zelenja so pola, doły, łuki.
Zad płoćika, zad niskej murki tuli
so módra fijałka; duž skału šěru
tam nalik wupyši; pos chłodnym kerku
tam mrowje roja wšě so w čornej kuli.
Tež lěsk a haj so zasy zhotujetaj,
hdyž łopješko so z hałžkow zelenkojte
a pupik młodny krasnje rozwijetaj.
Słyš, štomy, łuki kwětkopisankojte
ći pčołka, ćmjeła zynčo wobrojitaj
a mjetele tež kćenja čerwjenkojte.