+- Sonett-Forum (https://sonett-archiv.com/forum)
+-- Forum: Sonett-Archiv (https://sonett-archiv.com/forum/forumdisplay.php?fid=126)
+--- Forum: Sonette aus slawischen Sprachen (https://sonett-archiv.com/forum/forumdisplay.php?fid=396)
+---- Forum: Sorbische Sonette (https://sonett-archiv.com/forum/forumdisplay.php?fid=599)
+----- Forum: Jakub Bart-Ćišinski (https://sonett-archiv.com/forum/forumdisplay.php?fid=600)
+----- Thema: Budyšin (/showthread.php?tid=10374)
Budyšin - ZaunköniG - 05.02.2012
Budyšin
Budź witane mi, stare město njepowalne"!
Drje třepotało sy, hdyž z Frankom w dźiwim boju stał Serb,
hdyž w smjertnej bolosći sy piło swoju krew´;
tola hišće stojiš, Serbstwa sydło skalne!
Drje zapusćał je cuzbnik twoje domy spalne,
krew´ twojich synow nječłowjeski teptał w hnoju,
a tola wutroby, hlej přez Łužicu dwoju
ći serbske serbski hišće bija njerozwalne!
Hłós zańdźenych stolětow na tebje so roći:
"Stój kruće," hnuće prosy, "Serbow swědko mócny,
zo stara sława wot tebje so njewobroći!"
Stój, o stój kruće, Serbstwa stražniko ty wótcny,
bróń so, zo žadyn wichor tebje njerozkoći;
budź jasna hwězda Serbej, hdyž chce padnyć sprócny!