Sonett-Forum

Normale Version: Op tsop van eenen berch sach ic staen een Fabrike
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
Op tsop van eenen berch sach ic staen een Fabrike
Hondert vademen hooch, die niet om verplaisanten
Op schoon pilaren stont van fyne Diamanten:
En tfatsoen van dit werck was gemaect na Dorike.

Den muer en was oock niet van marmer autentike
Mer was van claer cristal, blinckende vande planten
Tot op het hooghste sop seer lustich t'allen canten,
Staendé op hondert trappen van fyn gout wt Afrike.

De schutsels waren gout, ende den solder hooghe
Was met platen van gout becleet seer scoon in d'ooge
Ende den vloer die was van Iaspé en Esmerauden.

O werelts ydelheyt! een onuerhoet eertbeuen
Dede dit lustich werck tot inden gront toe sneuen,
Dies d'eerdé ende den gront des gouts claerheyt vergrauden.