Sonett-Forum

ZUORT
"Chasa Mengelberg"
A Willem Mengelberg


Balchà 'l tumult d'la stretta paschiunala,
sco 'n hom sulet, il public commovü -
in acclamond al dirigent, sta sü
cun ün applaus chi fa stremblir la sala.

Triumf! - che po l'artist bramar daplü!
sch'in grazcha d'sa pussanza congeniala,
quella ch'ard'in seis cour flomm'ideala
in oters cours ha d'invüdar savü?

Quintar quinta be quai! - La mischiun sia
cumplesch'uschè l'artist nö s'müravgliond
cha lod e blasem han lur part d'bassezza ...

Qua sü tuot es dalöntsch! - Suot chasa via
l'aual schuschur'e renda plü profuond
il majestus silenzi da l'urezza.