12.10.2012, 14:59
Iris Florentina
............................."... Toscana gentile,
.........dove il bel fior si vede d'ogni mese."
....................................Cino da Pistoia
Eu at perchür, o iris florentina,
tü possast crescher suot il tschêl alpin,
gnind a flurir eir in nos ajer fin,
malgrà dschetas e naivs da l'Engiadina,
sco 'n la dutscha cuntrada florentina,
ingio tuot la cüttür'es ün zardin,
e da tuottas saschuns, d'ün bel cuntin
minchadi otras fluors e frütta pina.
Tü'm plaschast per ta fuorm'e ta culur,
mö plü perche, in la ragisch zoppada
tegnast secretamaing üna savur,
sumgliant in quai ad ün'orm'inamurada
chi la felicità da si'amur
aint plü fop dal cour tegna serrada.
............................."... Toscana gentile,
.........dove il bel fior si vede d'ogni mese."
....................................Cino da Pistoia
Eu at perchür, o iris florentina,
tü possast crescher suot il tschêl alpin,
gnind a flurir eir in nos ajer fin,
malgrà dschetas e naivs da l'Engiadina,
sco 'n la dutscha cuntrada florentina,
ingio tuot la cüttür'es ün zardin,
e da tuottas saschuns, d'ün bel cuntin
minchadi otras fluors e frütta pina.
Tü'm plaschast per ta fuorm'e ta culur,
mö plü perche, in la ragisch zoppada
tegnast secretamaing üna savur,
sumgliant in quai ad ün'orm'inamurada
chi la felicità da si'amur
aint plü fop dal cour tegna serrada.