Sonett-Forum

Gloria et invilgia.
(Suainter Zappi.)

Cur vegn a te, parnasica muntagna,
A mieu maun dret benign as colliescha
La diva gloria, chi cun fö nudrescha
E disch : "pür giain, vögl esser tia compagna !"

Mo fin al munt ais vasta la champagna,
E co am grigna: "fo que taunta prescha?"
L'invilgia biliusa, chi s'unescha
A mieu maun snester e contin am lagna.

O cuolp fatel! Dess eau fingiò turner?
L'invilg' allur sainz' oter am banduna,
Mo eir la gloria vain am banduner.

Dimena giain cun amenduos in tschima!
Scha l'üna be am spordscha la coruna,
Cha l'otra sbuorfla pür e ch'ella s-chima.