Sonett-Forum

Il vegl e la mort
(Suainter il frances.)

Ün vegl chargiò dad ans plaun, plaun portaiva
Vers sa chamana, d' lain ün bun mantun,
Il pais zuond grand il pover fadiaiva;
E stanglantò el eira, schi del bun!

Dandet el croda e con el la laina
In ün ovel dad ov' affatt privò,
El fò fadia, tainta, süia, paina,
Per as charger d' la laina spert darchò.

La forza 'l mauncha! E che mê fer? El clama
La mort in sieu agüd . . . ed ell' ais cò!
Disch, fand intuorn bain ferm scruschir la ramma:

"Voust gnir con me? Hest tieu fagot pinò"
""Na auncha, chera! Piglia 't be la paina
D'am güder sün la spedla quaista laina!""