Sonett-Forum

Normale Version: A Conradin Flugi
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
A Conradin Flugi


Sublim poët, o nos Nestor, ta lira
Accords posseda d' ün magnific sun!
Da tieu rimer zuond dutsch, bain cler transpira
D' ün grand e verd talent l' emanaziun.

Tü' l bön e 'l bel adüna hest in mira;
Tia orma ho guida religiun;
Tieu spiert fervent nel ot, in tschel s' inspira
Divinamaing bell' ais tia chanzun!

Sco navigant, chi be nel tschel confida,
Ochaunta prümavairas hest passò;
Adüna probited füt tia egida!

Tü est e sarost saimper ot stimò;
L' intera val ladina in te salüda,
Il grand, sublim poët da tuots amò!