Sonett-Forum

Normale Version: Il tramegl da filadé
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
Il tramegl da filadé


Cur cha d' inviern il vent ho vusch cridainta,
E cur la naiv dad our vò 's mantunand;
Cur cha la pigna d' ün bun chod containta,
Allur' il filadé vò s' almantand.

Cò veglias, giuvnas, figlias e fantschellas
Sulettamaing, s' asgür, nun daun del pé,
Las buochias evran, il battagl da quellas
Pü spert as mova cu lur filadé!

Nun sest, la tela giuvna ais promissa
Col tel e tel, ch' ün disch, ün giuven scort;
He vis Bulina, her, con üna missa . . . . . !

Ün vezza cler sieu bun hom ais mort! . . . . .
L'uragli' am scingia! ..... Sgür da me ün tschauntscha!
O salva' m Dieu, dal four da quaista launtscha!