Sonett-Forum

Normale Version: A plaz
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
A plaz


Davaunt las chesas üs' in Engiadina,
Cha giuvnas, veglias, söglian 's raduner,
La sted, cur l'ora, ais affat benigna,
La schagn' alternan con il baderler.

Quaist tribunel inapellabel tschainta
Iminchadi, fin l'ura del caffé;
In critichand scodün il temp passainta
E bgerras voutas sainz'üngün perchè!

Scha pass' ün ester, ogni sguard as volva,
Ed ogni laungia vers il nouv rivò;
Bain reramaing il tribunel assolva;

Eir l'innozaint tres el vain condannò;
Vain condannò per spiert da tschantscharia;
Del sexo bel bain trid' ais la mania!