Sonett-Forum

Normale Version: Flugi, Conradin de: Sün la mort da mia mamma
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
Conradin de Flugi
1787 - 1874
St. Moritz


Sün la mort da mia mamma

Tü est davent! o chera degna mamma,
Sovenz am 'vaivast dit: "eau bod saregia lò
Inua nos Bap etern tiers se am clama,
Inua bgers da mieus chers, da löng, El ho clamò.

Dieu he chattò in Sa Sencha scrittüra,
Mieu cour l'ho acceptò con grand dalet!
E cler l'he vis eir in sa grand' natura,
Quaist ot bain he giodieu, ch'ais bain il pü perfet!

Per que, cur part, non vair, mieu cher, fadia;
Viva containt in Dieu, fò tieu dovair?
Tü vainst, con tuots, eir tü la stessa via
Chi maina tuots a l'allegrus revair.
Mas larmas culan! eau'm rassegn, o Dieu,
Ella'm ho dit "cha tel ais Tieu vulair".