18.08.2012, 13:23
U.J. CRONJE
fl. 1930
Aan 'n versteende souriër-kopbeen.
Vlak in 'n blougruisbank aan Nadous voet
het jy milleniums ongesteur gerus
van nuwe wêreldwording onbewus
en van die nuwer tyd se groter spoed.
Vir jou ook seker was die lewe soet
- en soms ook wreed - hier aan die oermeerkus,
waar storms loei, of sagte soeltjies sus
in slaap wat speel of spartel langs die vloed.
'n Skakel is jy tussen toe en tans,
wat ons verbeelding vleuels aan laat skiet
en na die tyd van krag en grootheid voer.
Soos dwergies lyk ons langs die reusemans;
maar dié verskil baar ons nog geen verdriet:
Jul is deur vlees, ons word deur gees geroer.
fl. 1930
Aan 'n versteende souriër-kopbeen.
Vlak in 'n blougruisbank aan Nadous voet
het jy milleniums ongesteur gerus
van nuwe wêreldwording onbewus
en van die nuwer tyd se groter spoed.
Vir jou ook seker was die lewe soet
- en soms ook wreed - hier aan die oermeerkus,
waar storms loei, of sagte soeltjies sus
in slaap wat speel of spartel langs die vloed.
'n Skakel is jy tussen toe en tans,
wat ons verbeelding vleuels aan laat skiet
en na die tyd van krag en grootheid voer.
Soos dwergies lyk ons langs die reusemans;
maar dié verskil baar ons nog geen verdriet:
Jul is deur vlees, ons word deur gees geroer.