Sonett-Forum

WAt wilt ghy met ons doen arm' Mans? sprac een Goddinne,

Wy syn u doch zoo nut als d'Vos in't Hoenderkot;

Neemt ghy ons om het goet, zoo maect ghy u tot spot,

Want niet dan wreedt verwijt, krijcht ghy t'uwen ghewinne:

Neemt ghy een leelijc Dier dat's dickmael een Sottinne,

Die mach door onghedult, u mede maken Sot,

Maer sijt ghy zoo verdraeyt en van verstande bot,

Dat ghy een schoone trout, adieu rust ende minne.

Want boven d'onghemac, verlies, schaed', en ghekijf,

Dat ghy arm' Mans ontfanght van een te goelijc Wijf,

Zoo draecht ghy voor ghewis, de Hoornen op de Mutse:

Maer dit vvort vveer versoet, om dat, die Hoornen draecht

Wort voor den meestendeel meer belacht als beklaecht

Stelt dan tot uvven troost de buyl teghen de blutse.