Sonett-Forum

Normale Version: An M. Pieter de Rijcke, Aduocat.
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
.


Dit boos lichaem' begheert tsine ghenesen

(Eersame vrient): maer den geest willet laten

Als een vuul vanghenesse waert mespresen,

D'een bemindt de weerelt, d'ander wilt z'haten.

D'lichaem om blyuen zouct zijn eighen baten,

Bringht ons tsweerelts vreucht voor ooghen altijt:

Maer den gheest die berespt dat bouen maten,

Doende ons ghedijncken des hemels iolijt.

D'lichaem seit, moet ic wegh, sonder respijt:

Den gheest seit, hoe salmen dat so seer vlieden?

D'welck ghy b'hoorde te zoucken, wie ghy zijt.

Aldus isser in ons (siet) eenen strijt:

Maer laett ons beslaten naer Schrifts ghebieden:

Dinen will' Heere moet in als gheschieden