24.02.2012, 17:07
Gian Fontana
1897 - 1935
Spetgond la fiasta
La matta cont' e schula ed ei leda,
pertgei damaun ei fiasta en vischnauna;
per sefittar endretg uss nuot che maunca,
semtgaus ei'l bi vestgiu cun temps e peda.
Il bab marmugna. Ella fa ca feda.
Oz tema ella buca sia braunca,
pertgei la mumma oz ei sin palaunca
e vul. E dumignar la mumma reda.
Damaun ei vischnaunca, fiasta gronda,
ils chors de tut la val ein cheu presents,
igl aug vegn era e matei er l'onda.
Mo ei sefutran de lur cars parents;
la mumm' ha getg, de far adatg pulit
dils mats, che seigien tuts damaun el schit...
1897 - 1935
Spetgond la fiasta
La matta cont' e schula ed ei leda,
pertgei damaun ei fiasta en vischnauna;
per sefittar endretg uss nuot che maunca,
semtgaus ei'l bi vestgiu cun temps e peda.
Il bab marmugna. Ella fa ca feda.
Oz tema ella buca sia braunca,
pertgei la mumma oz ei sin palaunca
e vul. E dumignar la mumma reda.
Damaun ei vischnaunca, fiasta gronda,
ils chors de tut la val ein cheu presents,
igl aug vegn era e matei er l'onda.
Mo ei sefutran de lur cars parents;
la mumm' ha getg, de far adatg pulit
dils mats, che seigien tuts damaun el schit...